სიყვარულის დღისადმი მიძღვნილი საღამო

14 თებერვალს, ვალენტინობის დღეს, ჩვენი სამოქალაქო კლუბის ინიციატივით სკოლაში მოეწყო სიყვარულის დღისადმი მიძღვნილი საღამო, რომლის მონაწილეები იყვნენ IX-X კლასის მოსწავლეები. მოწვეულ სტუმრებს შორის იყვნენ სკოლის ადმინისტრაცია, მასწავლებლები და ჩვენივე სკოლადამთავრებულები. ღონისძიებაზე წავიკითხეთ ლექსები სიყვარულზე, შევასრულეთ სიმღერები, წარმოვადგინეთ თეატრალური ნომერი და იუმორისტული სკეტჩები.საღამო დავაგვირგვინეთ მასწავლებლებთან ერთობლივი სიმღერით.

"სოლიდარობა უკრაინელ ხალს!"

28 იანვარს ქ.ბოლნისში მოეწყო მოსიარულე აქცია, რომელიც უკრაინელი ხალხისთვის სოლიდარობის გამოცხადების მიზანს ემსახურებოდა.

შიდსი

1 დეკემბერს შიდსის საერთაშორისო დღეა, ამასთან დაკავშირებით ჩვენმა სამოქალაქო კლუბმა მოამზადა კედლის გაზეთები, ბუკლეტები, ჩაატარა ტრენინგი და მოაწყო ფილმის ჩვენება დაინტერესებული მოსწავლეებისთვის.

ტრეფიკინგი

დღესდღეობით ტრეფიკინგი ერთ-ერთი ყველაზე აქტუალური თემაა, ამიტომ უფრო ჩავუღრმავდით მას და გავაცანით თანატოლებს. მოვაწყვეთ ფილმის ჩვენება, გავაკეთეთ კედლის გაზეთები, დავარიგეთ ბუკლეტები.

სკოლის შემოღობვა, უსაფრთხოება მოსწავლეებისთვის!

სკოლის ერთი ნაწილი, შემოუღობავი იყო. სწორედ ამ ნაწილის გაგრძელებაზე არის კლდე, რაც საფრთხეს წარმოადგენდა მოსწავლეებისთვის, რადგან შესვენებების დროს ბავშვები იქ ხშირად იპარებოდნენ და სკოლის კონტროლის ქვეშ ვეღარ იმყოფებოდნენ. ამ პრობლემის გადასაჭრელად დაიწერა პროექტი და მის განსახორციელებლად საჭირო თანხა სკოლის ბიუჯეტიდან გამოიყო.

"იყავი ტოლერანტი!"

ტოლერანტობის დღის, 16 ნოემბრის აღსანიშნავად ჩვენს სკოლაში ჩავატარეთ ნახატების კონკურსი თემაზე "იყავი ტოლერანტი!". კონკურსში მონაწილეობდნენ VII-X კლასის მოსწავლეები, მოკლედ ავუხსენით ტოლერანტობის შესახებ, ვისთვისაც უცნობი იყო. შეგროვდა 40-მდე ნახატი, გაკეთდა კედლის გაზეთები, შევიმუშავეთ სლოგანები. ბავშვები უკეთ ჩასწვდნენ ტოლერანტობის არსს, რაც თვითონ მათ მიერ შესრულებულ ნახატებში გამოიხატებოდა. აქედან გამომდინარე ჩვენმა პროექტმა შედეგი გამოიღო.