შიდსი

1 დეკემბერს შიდსის საერთაშორისო დღეა, ამასთან დაკავშირებით ჩვენმა სამოქალაქო კლუბმა მოამზადა კედლის გაზეთები, ბუკლეტები, ჩაატარა ტრენინგი და მოაწყო ფილმის ჩვენება დაინტერესებული მოსწავლეებისთვის.

ტრეფიკინგი

დღესდღეობით ტრეფიკინგი ერთ-ერთი ყველაზე აქტუალური თემაა, ამიტომ უფრო ჩავუღრმავდით მას და გავაცანით თანატოლებს. მოვაწყვეთ ფილმის ჩვენება, გავაკეთეთ კედლის გაზეთები, დავარიგეთ ბუკლეტები.

სკოლის შემოღობვა, უსაფრთხოება მოსწავლეებისთვის!

სკოლის ერთი ნაწილი, შემოუღობავი იყო. სწორედ ამ ნაწილის გაგრძელებაზე არის კლდე, რაც საფრთხეს წარმოადგენდა მოსწავლეებისთვის, რადგან შესვენებების დროს ბავშვები იქ ხშირად იპარებოდნენ და სკოლის კონტროლის ქვეშ ვეღარ იმყოფებოდნენ. ამ პრობლემის გადასაჭრელად დაიწერა პროექტი და მის განსახორციელებლად საჭირო თანხა სკოლის ბიუჯეტიდან გამოიყო.

"იყავი ტოლერანტი!"

ტოლერანტობის დღის, 16 ნოემბრის აღსანიშნავად ჩვენს სკოლაში ჩავატარეთ ნახატების კონკურსი თემაზე "იყავი ტოლერანტი!". კონკურსში მონაწილეობდნენ VII-X კლასის მოსწავლეები, მოკლედ ავუხსენით ტოლერანტობის შესახებ, ვისთვისაც უცნობი იყო. შეგროვდა 40-მდე ნახატი, გაკეთდა კედლის გაზეთები, შევიმუშავეთ სლოგანები. ბავშვები უკეთ ჩასწვდნენ ტოლერანტობის არსს, რაც თვითონ მათ მიერ შესრულებულ ნახატებში გამოიხატებოდა. აქედან გამომდინარე ჩვენმა პროექტმა შედეგი გამოიღო.

ნერგების დარგვა

9 ნოემბერს შევიკრიბეთ და ჩვენი ქალაქის ტერიტორიაზე დავრგეთ ნერგები...

საგაზეთო სტატია კლუბ "ლიბერალზე"

11 ოქტომბერს ჩვენი კლუბის მიერ ჩატარებული აქტივობის, მოხუცებულთა სახლში სტუმრობის შესახებ დაიბეჭდა სტატია ადგილობრივ გაზეთში "ბოლნისში".

ეთნიკური უმცირესობების საზოგადოებაში ინტეგრირება

ჩვენმა კლუბმა მონაწილეობა მიიღო საერთო პროექტის განხორციელებაში, რომელიც ნახიდურის სკოლის ინიციატივა იყო და ეთნიკური უმცირესობების საზოგადოებაში ინტეგრირებას ეძღვნებოდა. პროექტში მონაწილეობდა ქვემო ქართლის 5 სკოლა, კერძოდ ქ. ბოლნისის #1, #3, #5, სოფელ ქვემო ქვეშის და  ნახიდურის სკოლები. მოეწყო ექსკურსია ბოლნისის რაიონში და დავათვალიერეთ უძველესი ისტორიული ძეგლები, მოვინახულეთ ბოლნისის სიონის საკათედრო ტაძარი, წუღრუღაშენი და მშენებლობის პროცესში მყოფი წმ. პეტრე პავლეს ეკლესია. ნახიდურის სკოლამ გააკეთა ტაძრებისკენ გზის მაჩვენებელი აბრები, რომლებიც ტაძრებთან ახლოს დავამაგრეთ. საღამოს გაიმართა პიკნიკი... დღემ საინტერესოდ და შინაარსიანად ჩაიარა, სკოლები ერთმანეთს დავუმეგობრდით და მომავალი აქტივობების გეგმებზეც შევთანხმდით!